Претседателот на Република Македонија, д-р Ѓорге Иванов го одликуваше Драмскиот театар Скопје со Орден за заслуги за Македонија.

Театарот се одликува по повод 70 години од неговото основање, а особено за успешното презентирање, промовирање и негување на македонското и светското драмско творештво, со што даде исклучителен придонес за збогатувањето на македонската култура и за афирмацијата на Република Македонија во светот.

Орденот за заслуги за Македонија се доделува на сите оние кои со својот ангажман придонеле и направиле врвни остварувања во сите домени на општествениот живот на земјата.